काठमाडौं चैत्र -7 रवि लामिछाने नेतृत्वको रास्वपाले गरेको निर्णय पछिल्लो समय आफैमा विराेधाभास हुँदै गएको देखिन्छ । गृह मन्त्रालय नपाएको कारण सरकारबाट हटेको रास्वपाले जता सत्ता, उतै निर्णय गरिरहेको छ ।आइतबार बसेको राष्ट्रिय स्वतन्त्र पार्टी (रास्वपा) को संसदीय दलको बैठकले प्रधानमन्त्री पुष्पकमल दाहाल प्रचण्डलाई विश्वासको मत दिने निर्णय गरेको छ । राजनीतिक स्थीरता र आफ्नो पार्टीले उठाएको एजेण्डा कार्यान्वयन गर्ने प्रतिवद्बता प्रधानमन्त्री प्रचण्डले गरेकाले विस्वासकाे मत दिने निर्णय गरेकाे जनाएको छ।
पार्टी सभापति लामिछानेको नागरिकता प्रकरणले गर्दा गृहमन्त्रीबाट राजिनामा दिएका लामिछाने अदालतले पुन नागरिकता लिनु पर्ने आदेशको पालना गर्दै पुन नागरिकता लिए पनि प्रधानमन्त्री प्रचण्डले फेरि गृहमन्त्री बनाउन आनाकानी गरे पछि रास्वपा सरकारबाट बाहिरिएको थियाे।सरकारबाट बाहिरिए पनि सरकारलाई समर्थन भने कायम रहेकाे जनाएको थियाे। दुवै एजेण्डा अहिलेकै सत्ता गठबन्धनबाट संभव भएकाले सरकारलाई दिएको समर्थन कायमै राख्ने निर्णय गरेको रास्वपाकी नेत्री सांसद डा.तोसिमा कार्कीले बताइएकी छिन।
अझ पछिल्लो तीन महिने घटनाक्रम हेर्दा अहिलेको सत्ता गठबन्धन र प्रधानमन्त्री प्रचण्डबाट रास्वपाले उल्टो नोक्सानी खेप्नु परेको छ । एमाले, रास्वपा, राप्रपा सहितको समर्थन पाएर 10 पुसमा प्रधानमन्त्री बनेका प्रचण्डले गठबन्धन बदल्ने निचोडसहित एक महिना नबित्दै पूर्व सहमति तोडेका थिए ।
सर्वाेच्चकाे फैसला अनुसार नागरिकता नवीकरण गरेका सभापति लामिछाने फेरि उपप्रधानसहित गृहमन्त्री बन्न चाहन्थे ।लामिछानेको चाहनामा तत्कालीन सत्ता गठबन्धनका मुख्य दल एमाले सकारात्मक थियो । किनकि त्यो सत्ता गठबन्धनमा रास्वपा एक महत्वपूर्ण शक्ति थियो । एमाले अध्यक्ष केपी ओलीले सार्वजनिक रुपमै रास्वपालाई गृह मन्त्रालय दिनुपर्ने अडान लिएका थिए । रास्वपालाई गृहसहित तीन मन्त्री र एक राज्य मन्त्री दिने भूमिका पनि ओलीले नै खेलेका थिए ।तर अहिले रास्वपाले एमाले गठबन्धन छाेडेर प्रचण्ड गठबन्धनलाई साथ दिएको छ।रास्वपालाई त्यो तहको सुविधा दिने ओलीको भूमिका प्रचण्डलाई मन परेको थिएन । किनकि रविलाई गृह दिदा माओवादी केन्द्रका वरिष्ठ उपाध्यक्ष नारायणकाजी श्रेष्ठले भौतिक पूर्वाधार तथा यातायात मन्त्री बन्नु परेको थियो । तर एमालेले भने आफ्नो भागमा परेको स्वास्थ्य राज्यमन्त्री छोड्न तयार हुनेदेखि संसदीय गणितकै कारण रास्वपाले गृह मन्त्रालयको नेतृत्व पाउनुपर्ने तर्क गर्यो ।एमाले काे कारण उप र गृह समेत पाएका लामिछाने किन एमाले काे साथ छाेडेर प्रचण्ड तिर लागेका छन ,त्याे भने सत्ताकाे खेल सँग जाेडिएकाे अनुमान गर्न सकिन्छ ।
त्यो सत्ता गठबन्धनमा मुख्य दल एमालेकाे दबाव हुँदा समेत रविलाई गृह मन्त्रालयको नेतृत्व छोड्न प्रचण्ड तयार नभएपछि रास्वपा सरकारबाटै बाहिरियो । 22 माघमा रास्वपाका अरु दुई मन्त्री (शिक्षा मन्त्री शिशिर ढकाल र श्रम मन्त्री डोलप्रसाद अर्याल) र एक राज्य मन्त्री (स्वास्थ्य राज्यमन्त्री तोसिमा कार्की) ले राजीनामा बुझाएका थिए।
गृह मन्त्रालय नपाएकै कारण सरकारबाट बाहिरिएको रास्वपाले समर्थन कायमै राख्ने नीति लियो । राष्ट्रपतिको चुनावसम्म आइपुग्दा प्रचण्डसँगै रास्वपा कांग्रेस कित्तामा पुगेको छ । राष्ट्रपतिको चुनावमा कांग्रेसका उम्मेदवार रामचन्द्र पौडेललाई मत दिएर रास्वपाले कित्ता प्रष्ट पारेको देखिन्छ ।
यी निर्णयहरुले आगामी दिनमा चितवनमा हुँदै गरेकाे उपनिर्वाचनमा रास्वपालाई कस्तो असर पर्छ पछि थाहा हाेला।तर रास्वपालाई जज गरिहाल्नु पर्ने समय भने भएको छैन।
